Rauðhærða fjölskyldan kannar Stokkhólm...

Með ömmu Ibbu á Skeppsholmen

2010-12-20T00:02:00.000+01:00

Á safni í Linköping

2010-12-20T00:00:00.000+01:00

Í lok ágúst fórum við til Vimmerby (Astrid Lindgrens värld) með góðum vinum. Á leiðinni heim fórum við á þetta líka skemmtilega safn í Linköping. Hérna eru krakkarnir að leika í vindi. Töff.

Kanilsnúðurinn og Kalmar slott.

2010-11-08T18:06:00.000+01:00

Dinner time!

2010-11-08T18:05:00.000+01:00

Það var yndislegt veður allan tímann á Öland þannig að við borðuðum alltaf kvöldmatinn úti.

Risa eikin í Trollskogen

2010-11-08T18:04:00.000+01:00

Uppi í tré í Trollskogen á Öland

2010-11-08T18:02:00.000+01:00

S og E á Ölandi

2010-11-08T17:59:00.000+01:00

Það er aldeilis orðið langt síðan ég setti inn myndir. Þessi er tekin í sumarfríinu okkar á Öland í Borgholms kastalarústunum.

Sætu kettir!

2010-06-21T23:07:00.000+02:00

Ella og kattahrúgan

2010-06-21T23:06:00.000+02:00

Sindri Dagur á 8 ára afmælisdaginn

2010-06-21T23:05:00.000+02:00

Viðburðarríkur dagur þar sem kettlingarnir fluttu inn og stóri, litli varð 8 ára. Ótrúlegt.

Minimarathon

2010-06-21T23:04:00.000+02:00

Sindri Dagur og vinir nálgast markið. Adam fyrstur, Sindri Dagur og Nils á eftir.

Leikskólaútskrift

2010-06-21T23:02:00.000+02:00

Fyrsta útskriftin hennar Ellu er að baki en hún útskrifaðist af Kejsarkronans förskola, Skattkammaren. Bráðum þurfum við að kveðja leikskólann sem við erum búin að heimsækja nær daglega í 4 ár. Tregablandið!

Krúttlegasti ballettdansarinn

2010-06-21T23:00:00.000+02:00

Ella var með danssýningu í lok vetrar.

6 ára afmæli Elínar Lilju

2010-06-21T22:59:00.000+02:00

Elín Lilja hélt upp á afmælið sitt fyrir jafnaldra sína úr leikskólanum, Jennifer og Filippu. Þetta var kökuafmæli með leikjum og Pinata og afmælisbarnið var sátt við daginn.

Offi prakkari..

2010-06-16T23:15:00.000+02:00

..að leika með fingraprjónaverkefnið hans SDS.

Nasi hjá Ellu

2010-06-16T23:14:00.000+02:00

Ella segir gjarnan: "Þetta er lífið!" þegar kettlingarnir kúra hjá henni.

Elín Lilja 6 ára

2010-06-16T23:12:00.000+02:00

Ella varð 6 ára á Íslandi. Hipp hipp húrra!

Maj brasa

2010-06-16T23:10:00.000+02:00

Síðasta dag aprílmánaðar er vaninn að kveikja bál í Stokkhólmi. Valborgarmessa heitir hátíðin :-)

Hérna eru Ella og vinkona hennar við eldinn.

Systkinin í tunnelbananum í vor

2010-06-16T23:08:00.000+02:00

Nasi yfirkúrari hjá Ellu

2010-06-16T23:06:00.000+02:00

Kettlingarnir

2010-06-16T23:05:00.000+02:00

Við fengum kettlinga í pössun í síðustu viku. Þeir eru 6 vikna beibís og hafa sannarlega lífgað upp á tilveruna hérna á Vidargatan.

Myndin er af Litlu-Doxie, Nasa og Eldingu.

Símamyndir

2010-06-16T23:00:00.000+02:00

Jæja, það er langt frá síðasta bloggi og ýmislegt hefur verið í gangi.

Í þetta skiptið koma bara nokkrar myndir úr símanum en vonandi fljótlega fleiri og betri myndir úr myndavélinni.

Fyrsta myndin er af Ellu sem hljóp hetjulega heila 1080m í Minimarathon 6/6. Bróðir hennar gerði slíkt hið sama í fylgd tryggra vina en almennilegar myndir af honum við tækifærið er bara að finna á hinni myndavélinni.

Fyrsti leikur sumars hjá Sindra Degi

2010-04-25T17:00:00.001+02:00

Fyrsti leikur sumarsins hjá SDS var í dag. Drengirnir spiluðu á móti liði frá Lidingö og SDS spreytti sig á því að vera í marki. Hann var mjög stoltur að því að hafa varið aukaspyrnu. Það dugði þó ekki til vegna þess að andstæðingarnir unnu með 5 mörkum gegn 3. Það sem skiptir þó mestu máli er að Sindri Dagur var sáttur. Þeir gerðu sitt besta og voru mun betri en síðasta haust að hans mati. Hefðu getað unnið ef heppnin hefði verið þeim hliðholl.

Sushi time

2010-04-25T16:53:00.000+02:00

Gaurarnir á myndinni gerðu þetta líka dýrindis sushi!

Prinsessan Lea

2010-04-25T16:52:00.000+02:00

Ella fór í StarWars afmæli sem Lea prinsessa. Ekkert smá stolt af sjálfri sér!

Hönnuðurinn að verki

2010-04-25T16:49:00.000+02:00

Hérna byggir Ella hús úr bókum.

Sindri Dagur segir frá

2010-04-25T16:48:00.000+02:00

Sindri Dagur og bekkjarfélagar hafa nýlega lokið við stórt verkefni sem fjallaði um að hanna dýragarð sem þau ákváðu að ætti að heita Arkenparken. Þetta var metnaðarfullt og hérna fer SDS yfir allt sem þau gerðu varðandi landakort í verkefninu,

Hönnuður?

2010-04-25T16:45:00.000+02:00

Þennan bekk hannaði Ella og smíðaði með hjálp Johans leikskólakennara. Hún þykir ákaflega skapandi og tekur sér ýmislegt fyrir hendur. Um daginn bjó hún til Elin3 í fullri stærð. Elin1 er auðvitað hún, Elin2 er hin Elin á leikskólanum. Íslensku Elínarnar eru greinilegaí sérflokki.

Stórborgartöffari

2010-04-25T16:42:00.000+02:00

Þögnin er rofin :-D

Hérna er herra Sindri Dagur að knúsa ljón á Skeppsholmen eftir að hafa gætt sér á dýrindis brunch á Grand Hotel.

Handleggsbrot

2010-03-13T18:29:00.000+01:00

Eitt af því fyrsta sem gerðist þegar við komum heim til Svíþjóðar var að Ellan handleggsbrotnaði.

Hún datt í rennibraut og við það brotnaði bein í framhandleggnum, nálægt olnboga. Síðan tóku við þreytandi vikur með gifs.

Sætir frændur

2010-03-13T18:25:00.000+01:00

Gleðilegt ár

2010-03-13T18:24:00.000+01:00

Jólin komu og áramótin líka. Við vorum á Íslandi í góðu yfirlæti og komum úthvíld tilbaka.

Lucia

2010-03-13T18:20:00.000+01:00

Síðasta Lúsíuhátíðin í leikskólanum var haldin hátíðleg. Ella var alveg viss í sinni sök og vildi vera þerna. Hún stóð sig með prýði - fór með Lúsíuversin hátt og snjallt og söng fallega.

Fimleikastelpa

2010-03-13T18:17:00.000+01:00

Ella var líka með fimleikasýningu. Þessi æfing hefur valdið henni miklum raunum. Maður á að færa sig eftir bitanum og til þess þarf maður ákveðinn styrk í höndunum og tækni. Lengi vel gekk þetta ekki vel. Ella plompaði beint niður og hafði enga trú á þessu. En í ár gekk þetta mjög vel!

Fimleikastrumpur

2010-03-13T18:09:00.000+01:00

Við erum búin að vera arfaslakir bloggarar síðastliðna mánuði. Ekki nóg með það heldur höfum við lítið tekið af myndum af "litlu" gullunum okkar. Eins og gefur að skilja hefur samt eitthvað gerst í lífum okkar á þessum tíma. En veturinn í Svíþjóð er búinn að vera harður og þess vegna höfum við haldið okkur meira heima en vanalega.

Þessi fyrsta mynd er frá fimleikasýningu Sindra Dags. Hann iðkar fimleika 1 sinni í viku og hefur gaman að.

Fröken tannlaus!

2009-11-12T23:16:00.002+01:00

Ella missti fyrstu tönnina 4/11 og sína aðra 10/11.

Nú skal barist!

2009-11-12T23:11:00.000+01:00

Hvor er nú hræðilegri, svarti riddarakóngurinn eða nornin ógurlega.

Halloween

2009-11-12T23:10:00.000+01:00

Fótboltastjarnan

2009-10-22T23:08:00.000+02:00

Allt að gerast

2009-10-04T23:19:00.002+02:00

Já, það væri synd að segja að það hefði verið lognmolla á svæðinu undanfarið. Hér er það sem hefur verið að gerast hjá okkur í stuttu máli:

Reynisson
Mikið að gera í skólanum hjá þessum fyr. Spilar körfubolta tvisvar í viku og hefur keppt sinn fyrsta leik í vetur sem var gleðilegt. Minna gleðilegt var að hjólinu hans var stolið meðan hann var í skólanum um daginn :-(

Linda
Mikið að gerast í vinnuni og fór ma. á námskeið í ráðgjafafræðum. Það snerist að mestu um fundatækni sem var mjög áhugavert. Fékk miniflensu um daginn og er nú komin með hrikalegt kvef.

Hefur tekið við hlutverki ritara í styrelsen í bostadsföreningen sem er mikið stuð. Alltaf gaman að hitta "gubbana".

Sindrason
Hefur stundað fimleikaæfingar og fótboltaæfingar af kappi með Adam vini sínum í haust. Um næstu helgi verður mót. Ég sem hélt að prófessorinn mundi aldrei hafa áhuga á fótbolta en jú, viti menn. Hann er bara spenntur.

Hann er líka farinn að fá heimaverkefni í formi lestrar. Hann þykir afar góður í lestri en það er ekkert verra að veita okkur foreldrum aðhald við að æfa hann.

Sindri Dagur varð fyrir því óhappi að skera sig með hnífi í þumalfingurinn í skógarferð með skólanum um daginn. Hann var að tálga sem þykir eðlileg iðja 7 ára strumpa í Svíþjóð. Niðurstaðan fyrir son minn var 10 spor í fingurinn. Hann tekur þessu með stóískri eins og sönnum víkingi sæmir en mamma hans er ekki jafn svöl.

Næsta föstudag ætlar Sindri Dagur að bjóða 3 vinum heim á spilakvöld. Byrjað verður á Spiderman Monopoly og síðan spunnið út frá því. Honum finnst þetta svoooo spennandi.

Ella
Litli sæti sveimhuginn í fjölskyldunni er stöðugt í leit að hnetum, könglum, greinum, steinum og ja..stundum bara hreinlega rusli til að nota í ódauðleg listaverk sín. Hún sýnir lítinn áhuga á að læra á fína Hello Kitty úrið sitt enda er tíminn henni ekki hugleikinn frekar en annað sem er hægt að mæla.

Hún kann hins vegar að lesa og hefur gert lengi. Það er okkur eiginlega hulin ráðgáta af hverju vegna þess að við höfum ekki verið að gefa okkur tíma til að kenna henni.

Ella segist ætla að vinna við dans þegar hún verður stór. Einu sinni í viku dansar hún með Nínu Þorbjörgu og Júlíu vinkomum sínum. Þá förum við í Balettakademien og fáum okkur rúnstykki og beyglur með stelpunum á eftir.

Ellis er líka í fimleikum með Ester sinni á miðvikudögum. Ester og Ella eru vinkonur úr leikskólanum og á mánudögum heimsækja þær hvora aðra. Þær klæða sig í prinsessubúninga,spila prinsessuleikinn hennar Ellu, dansa, gera fimleikaæfingar og annað sem 5 ára krúttmundur finna sig í.

Á kvöldin þegar Ella er að fara að sofa þarf hún alltaf að ræða eitthvað. Hún gerist oft háfleyg þegar hún veit að síðasta orð dagsins nálgast. Í gær sagði hún við mig: "Mamma, ég elska þig meira en lífið sjálft!" og þá heyrðist úr efri kojunni: "Ég líka!".

Og í fréttum er þetta helst...

2009-09-09T22:25:00.005+02:00

Að Sindri Dagur er að jafna sig á pestinni en er enn eylítið kvefaður.

Ellu finnst hún ryðguð í dansinum eftir sumarið en sér það í hillingum að eignast táskó þegar hún verður 9 ára.

Að Sindri Dagur skoraði mark á fótboltaæfingu í gær..honum finnst samt þjálfarinn fullstressaður á að maður eigi að gefa boltann strax og maður fær hann!

Að í skólanum hans Sindra Dags er handbrúða sem kann eingöngu ensku.

Að Ella fór með sumarheimaverkefnið sitt í leikskólann í vikunni. Það var svo litríkt að það minnir á gaypridefána..en hey, þeir eru flottir.

Að Ella á fullt af leyndarmálum með Ester vinkonu sinni og ég fæ ekki að vita neitt!

Að Sindri Reynis er of þreyttur til að ritskoða klæðaburð dóttur sinnar áður en þau leggja af stað í leikskólann. Hún hefur farið t.d. í stuttum leggingsum og risastórum gallabuxum af brósa. Síðasta vetur leit hún oft út eins og sirkusdýr í leikskólanum þar sem að hún fékk 100 % frjálsar hendur með fötin. En hey, sirkusdýr eru sæt!

Að Sindra Degi langar mest af öllu í Gröna Lund og vill hafa Kidda með sér..þó svo að Kiddi sé of stór fyrir Insane og SDS of lítill. Kvasten verður víst að duga!

Að Linda Kris berst við innviði Svenska Handelsbanken. Þar leynist misjafn sauður í mörgu fé. Ég veit stundum ekki alveg hvað ég er að gera í bankageiranum?

Ha det!

Juniorkart

2009-09-09T21:11:00.000+02:00

Sindri Dagur fékk að fara í minikart á Gotlandi.

Lína Langsokkur

2009-09-09T20:52:00.000+02:00

Lína Langsokkur lék á alls oddi í Kneipbyn á Gotlandi.

Riddarar á Gotlandi

2009-09-09T20:51:00.001+02:00

Ella og Júlía setja upp leikrit í klausturrústum

2009-09-09T20:51:00.000+02:00

Emis í kennslustund

2009-09-09T20:48:00.000+02:00

Það er mikilvægt að kenna litlum börnum snemma á tölvuspil.

Minis í minigolfi á Gotlandi

2009-09-09T20:47:00.000+02:00

Gotland

2009-09-09T20:46:00.000+02:00

Samræður taka óvænta stefnu

2009-09-02T22:26:00.002+02:00

Það er áhugavert að eyða eins og einum degi með veikum syni og komast að því hvernig hann hugsar.

Sindri Dagur ákvað þegar hann var 5 ára að hann ætlaði að giftast vinkonu sinni af leikskólanum. Hann hafði alltaf dáðst að þessari vinkonu sinni en allt í einu var hann viss um að þetta væri daman sín. "Við hlæjum svo mikið saman, mamma" sagði hann og brosti. Okkur þótti þetta ógurlega fyndið þó að við reyndum að láta á litlu bera við þann litla. Hann tilkynnti okkur síðan vorið áður en hann byrjaði í skóla að hann og stelpan væru búin að ákveða að þegar þau yrðu stór mundu þau hittast og láta verða af brúðkaupinu. Það þurfti að hugsa fyrir þessu vegna þess að þau voru á leið í mismunandi skóla.

Enn hefur hann sonur minn hug á að giftast þessari stúlku. Þrátt fyrir þetta á hann 2 vinkonur í skólanum og lítur sérstaklega upp till einnar. En hann vill ekki giftast henni vegna þess að hún er svo frek! Þegar hann var búinn að tjá mér þetta horfði hann á mig og sagði: "mamma, þú ert frek!".

Ég horfði alveg hissa á hann son minn og svaraði: "Ég hélt ég væri aðallega góð." Hann samþykkti það og brosti kankvís til mín.

Að lokum tjáði hann mér að hann langaði í lítinn bróður vegna þess að þá gætu þau krakkarnir fengið 3ja hæða koju!!!

Þingvellir

2009-08-31T20:53:00.000+02:00

Hjá sumarbústaðnum hennar langömmu er þetta líka fína bú til að leika í!

Veiði veiði..

2009-08-31T20:51:00.000+02:00

Sjáiði, Við veiddum fisk!!!

2009-08-31T20:50:00.000+02:00

Hjá langömmu á Þingvöllum er hægt að gera ýmislegt skemmtilegt eins og t.d. að veiða fisk.

Við Strokk

2009-08-31T20:48:00.000+02:00

Við Gullfoss

2009-08-31T20:46:00.000+02:00

Flottur!

2009-08-25T22:33:00.000+02:00

Þarna var pabbi/afi Denni í sveit

2009-08-25T22:32:00.000+02:00

Bolafjall

2009-08-25T22:30:00.000+02:00

Ella & afi róla í snjóflóðagarðinum við Flateyri

2009-08-25T22:28:00.000+02:00

Afi fann skólamynd af sér á Núpi

2009-08-25T22:27:00.000+02:00

Dynjandi 2

2009-08-25T22:23:00.000+02:00

Krakkarnir brugðu á leik við Dynjanda.

Dynjandi

2009-08-25T22:21:00.000+02:00

Bjarkalundur

2009-08-25T22:18:00.000+02:00

Loksins er komið að myndum frá okkar ástkæra Íslandi. Við Vidargötufjölskyldan fórum með afa Denna á Vestfirði. Því miður komst amma Ella ekki með vegna þess að Júlla kisa varð fárveik áður en við fórum af stað.

Það er hefð hjá pabba að fá sér kaffi í Bjarkalundi á leiðinni Vestur. Þar stoppuðu rúturnar líka alltaf í kaffi á hans yngri árum. Við héldum í þessa góðu hefð og fengum okkur ljúffenga eplaköku.

Bono í laserjakka

2009-08-05T20:58:00.000+02:00

Svona söng hann With or without you. Geðveikur töffari!!!

"Let's make stars"

2009-08-05T20:57:00.000+02:00

Magnað móment á tónleikum þegar gestir gerðu stjörnur með gsm símunum sínum.

Greenies

2009-08-05T20:55:00.000+02:00

U2

2009-08-05T20:54:00.000+02:00

Hérna eru Fríða og mannfjöldinn.

U2 The Claw

2009-08-05T20:53:00.000+02:00

Hið mikla undur, sviðsmyndin sem nefnd hefur verið The Claw. Hérna er súlan undir klónni lýst upp.

U2 framhald

2009-08-05T20:49:00.000+02:00

Og Bono, The Edge og hinir 2 sem enginn veit hvað heita(við gúgluðum þá reyndar seinna og vitum núna hvað þeir heita) byrjuðu á að spila nokkur lög af nýja geisladisknum sínum. Þau eru alveg ágæt..nema 1 sem er með arfaslakan texta. Síðan tóku við þekktari lög. Hérna er listi yfir lögin sem þeir spiluðu:

Breathe
No Line On The Horizon
Get On Your Boots
Magnificent
Beautiful Day
New Years Day
I Still Haven't Found What I'm Looking For
Stay (Far Away So Close)
Unknown Caller
Electrical Storm
City of Blinding Lights
Vertigo
I'll Go Crazy If I Don't Go Crazy Tonight (Remix)
Sunday Bloody Sunday
Pride (In The Name of Love)
MLK
Walk On
Where The Streets Have No Name
One
--------
Ultraviolet
With Or Without You
Moment of Surrender

U2 menn alveg að stíga á svið á Ullevi

2009-08-05T20:43:00.000+02:00

Fyrir mörgum mánuðum datt okkur Fríðu vinkonu minni í hug að reyna að fá miða á U2 tónleika á Ullevi leikvanginum í Gautaborg. Það tókst og um síðustu helgi rann loksins upp tónleikadagurinn.

Við tókum lest frá Stokkhólmi, skiluðum farangrinum á hótelið og héldum síðan niður í bæ.

Við borðuðum á Parken sem er einmitt nafnið á leikvanginum sem yfirleitt er notaður undir tónleika í Köben. Ákaflega vel passandi. Síðan var ferðinni heitið á Ullevi þar sem við sátum á svæði F2. Við misstum af upphitunarhljómsveitinni en svo..kom reykur úr hinu mikla sviðsmannvirki klónni (the Claw).

Pabbi að leika sér í skóginum

2009-07-06T00:04:00.004+02:00

Það er dreki þarna

2009-06-24T22:21:00.000+02:00

Ella og Nína Þorbjörg worka tanið

2009-06-24T22:20:00.000+02:00

Muminprofessor var flottur

2009-06-24T22:19:00.000+02:00

Knús Múmínmamma :þ

2009-06-24T22:18:00.000+02:00

Múmínpabbi

2009-06-24T22:16:00.000+02:00

Hérna er mynd af Múmínpabba..eða bara pabba og börnunum í Múmínlandi!

Sindri Dagur í einkaþjálfun hjá Pálmari

2009-06-24T21:57:00.000+02:00

Á Midsommar hittum við margt fínt fólk og enduðum í grilli hjá Lindu og Pálmari í Bergshamra. Pálmar er hvorki meira né minna en þrekjálfari hjá Djurgården og hann var svo góður að gefa Sindra degi smá einkaþjálfun.

Hafið þið séð svona fínt skilti?

2009-06-22T22:29:00.000+02:00

Vatnstilraunir

2009-06-15T01:25:00.000+02:00

Kiddi og krakkarnir leika með vatnstilraunasett sem Sindri Dagur fékk í afmælisgjöf.

Afmæli Sindra Dags

2009-06-15T01:23:00.000+02:00

Sindri Dagur hélt Bowling afmæli í gær og hér er hann einbeittur að leika. 7 ára og hálffullorðinn.

Gårdfest á Skattis

2009-06-15T01:21:00.000+02:00

Í byrun júní á hverju ári er garðveisla í leikskólanum og þetta var ekkert öðruvísi í ár fyrir utan að það var rigning. Allir þurftu því að syngja í polló.

Íslenskt afmæli krakkanna

2009-06-15T01:19:00.000+02:00

Við héldum upp á afmæli fyrir nokkra Íslendinga líka.

25. maí 2009

2009-06-15T01:18:00.000+02:00

Á afmælisdaginn sjálfan var Ella í fríi með ömmu og afa. Mamma bakaði þessa fínu afmælisköku fyrir stelpuna sína.

Kát afmælisstelpa

2009-06-15T01:16:00.001+02:00

Afmælisveisla Ellu

2009-06-15T01:16:00.000+02:00

Ella bauð vinum sínum af leikskólanum til afmælisveislu í maí.

Ella dansar

2009-06-15T01:13:00.000+02:00

Þessi mynd er frá danssýningu Ellu 10/5 2009. Hún er fyrir miðju, einbeitt í dansinum.

Hugleiðingar um Evróvision

2009-05-17T22:27:00.003+02:00

Elín Lilja: Ó, ég fæ bara tár í augun. Hún Jóhanna syngur svooooooo vel og svo er hún alveg eins og prinsessa!

Sindri Dagur(hugsi): Ég ætla að syngja í Eurovision þegar ég verð stór.(hugs,hugs)Eða þá að minnsta kosti spila á fiðlu.

Jajamensann. Það er gaman að vera ungur og láta sig dreyma.

Helgin hefur verið annasöm en góð:

* Við höfum horft á unga manninn syngja í skólanum sínum og við sama tækifæri voru sýndar myndir frá skólaárinu sem er að ljúka hjá bekknum. Það virðist vera mjög gaman í 6 ára bekk.

* Krakkarnir byrjuðu á sundnámskeiði og eru mjög heilluð af sundi þessa stundina. Ég vona að það verði súpergott veður í Svíþjóð í sumar til að við getum verið dugleg "að baða" og síðan mun hvert tækifæri vera nýtt til að synda og leika í fínu sundlaugunum á Íslandi.

*Ella hélt upp á 5 ára afmælið fyrir leikskólavinina. Tókst bara alveg ágætlega.

*Júrógrillið hjá Magga og Sunnu var frábært. Jóhanna er frábær söngkona sem á framtíðina fyrir sér.

*Krakkarnir fengu blikkskó í snemmbúna afmælisgjöf. Mikil sæla með það!

*Vasaparken með Nínu & Steinunni var síðan huggulegur endapunktur á helginni. Krakkarnir gormuðust á leikvellinum og síðan var ísstund.

Fyrir utan þetta er ég hrikalega montin af að hafa farið 2svar að hlaupa yfir helgina. Gallinn er að þeir sem eru að hlaupa í kringum mig eru að hlaupa svo miklu lengra en ég að það dempar aðeins stoltið. Ég hljóp bara 4km í hvort skipti en sumir eru í maraþonum, hálfmaraþonum eða þá í það minnsta í kringum 10km. usch, ég kemst þangað. Bráðum.

puss & kram

Fimleikar Ella

2009-05-10T16:00:00.000+02:00

Ella kláraði líka sitt fimleikanámskeið og var dugleg stelpa.

Fimleikar SDS

2009-05-10T15:57:00.000+02:00

Sindri Dagur kláraði vornámskeiðið í fimleikum með stæl. Honum hefur farið gríðarlega mikið fram í vetur. Gaman að sjá.

Ella með gleraugu

2009-05-10T15:56:00.000+02:00

Tannleysið hefst

2009-05-10T15:55:00.000+02:00

Sindri Dagur og deitið hans á skipinu.

2009-05-10T15:54:00.000+02:00

Strumpar í Helsinki

2009-05-10T15:53:00.000+02:00

Páskar 2009

2009-05-10T15:52:00.000+02:00

Páskana 2009 fórum við með vinum okkar av Pipersvägen til Helsinki. Við sigldum á föstudaginn langa en komum aftur á Páskadegi. Skipið okkar var hið fínasta en það heitir Silja Symphony og inniheldur m.a. göngugötu, diskó og sundlaug. Við prófuðum þetta allt saman. Byrjuðum á að synda og heimsækja boltalandið en einnig borðuðum við á veitingastað og Bufféi. Hittum múmínálfinn og Míu oft, fórum á Múmíndiskó og fleira.

Þögn er betri en þarflaus ræða

2009-05-10T15:48:00.000+02:00

..eða svona þannig. Það er nú svo sem ekki mikil þörf á neinu sem fram fer hér á síðunni. Af okkur er allt ágætt að frétta og flestir dagar hérna eru óskaplega hversdagslegir.

Við tökum þó myndir endrum og eins. Þessi mynd er tekin af þeim systkininum þegar þau heimsóttu Naturhistoriska Museet með pabba sínum. Þau voru afar áhugasöm um steina og kristalla eins og sést.

Landafræði

2009-03-14T21:34:00.003+01:00

Vetraríþróttir í Stokkhólmi

2009-03-14T21:27:00.002+01:00

Febrúar och så vidare

2009-03-13T22:30:00.002+01:00

Það er ekki þannig að það sé aldrei neitt að gera hjá okkur hérna á Vidargatan. Þvert á móti. Það er eiginlega þannig að yfirbloggarinn hefur of mikið að gera og er alla jafna of þreyttur til að geta skrifað eitthvað skemmtilegt.

En það er yfirleitt jákvætt að hafa mikið að gera :-)

Ég veit ekki hvort ég á að segja mikið um vinnuna. Hún er ágæt og ég vinn með fínu fólki. Maður sér glögglega hvað það er mikill munur á því að vinna á litlum vinnustað vs. stórum. Kostir og gallar við bæði að sjálfsögðu.

Við fullorðna fólkið erum búin að bregða okkur út að kvöldi til og saman nokkrum sinnum. Fyrst var það þegar Ella fór í sleepover til Júlíu og SDS var á Íslandi. Þá skelltum við okkur á barrölt með nokkrum vinum sem var mjög kósí. Næsta barmarkmið verður að heimsækja Vimmel og smakka Passionfruit Mojito.

Við hjón fórum síðan á nýjustu Moodyson myndina, Mammut, þegar mamma og pabbi vorum hérna. Fín mynd en á sama tíma ekki mikil "feel good" mynd. Ég upplifði hana sem netta ádeilu á það sem drífur fólk áfram almennt. Persónurnar í myndinni höfðu tilgang í lífinu sem þykir mjög réttlætanlegur á hverjum stað fyrir sig - nb réttlætanlegur en ekki réttur. En samt var allt í köku. Allir vildu vel en samt varð allt öfugt.

Um síðustu helgi voru Kiddi og Ebba svo góð að passa fyrir okkur meðan við fórum á árshátíð Íslendingafélagsins. Úr varð hið besta kvöld. Þrefalt húrra fyrir skipuleggjendunum.

Sindri Dagur fór til Íslands í 10 daga en varð eins og flestir vita svo óheppinn að fá hlaupabólu þar. Hann var þrátt fyrir það mjög ánægður með dvölina þar og saknaði allra svo mikið að hann grét nokkur kvöld eftir að hann kom heim. :´-(

Eftir að hann náði sér upp úr pestinni er hann hins vegar glaður og kátur. Hann fór á tónleika með bekknum sínum í konserthuset í gær og í dag "Crazy Hair Day" í skólanum. Hann fór bara með glimmer í hárinu og þótti íhaldssamur miðað við hina krakkana og kennarana!

Ella saknaði brósa óskaplega meðan að hann var á Íslandi. Hún fékk m.a. höfuðverk sem gat ekki læknast án þess að brósi kæmi tilbaka. Dramadrottning???

Ella bíður eftir að balletttíminn byrji..

2009-03-13T22:28:00.000+01:00

Ella í Kulturhuset

2009-03-13T22:27:00.000+01:00

Þegar Sindri Dagur kom aftur frá Íslandi var hann þakinn hlaupabólum. Þess vegna þurfti Ella að dandalast ein með ömmu Ellu & afa Denna í borginni okkar. Hérna er hún hugsi í Rum för barn i Kulturhuset.

Sem betur fer fær maður bara þessa leiðindapest einu sinni á ævinni.

Ballettprinsessur

2009-03-13T22:24:00.000+01:00

Þessi mynd sýnir sætustu ballerínurnar í Stokkhólmi. Á sunnudögum mætum við mömmurnar með þær og síðan er spjallað, fikað og ólátast eins lengi og orkan leyfir.